Токио-Улаанбаатарын нислэгээр 263 иргэн ирлээ
2020 оны 9 сарын 15

 

Токио-Улаанбаатар чиглэлийн тусгай үүргийн онгоц өчигдөр орой  22:45 цагт “Буянт-Ухаа“ олон улсын нисэх буудалд газардлаа.

Нийт 263 иргэн эх орондоо ирсэн бөгөөд бага насны хүүхэдтэй гэр бүл 30, жирэмсэн 7, өндөр настан 3, эрүүл мэндийн шалтгаантай 18, дадлагажих ажилтан 67, бусад шалтгаантай 138 иргэн  байна.

Иргэдийг ХӨСҮТ, ЦТЭ, “Сод Эра” эмнэлэг, “Баянбайгаль” амралтын, “Амар” зочид буудалд 21 хоног тусгаарлалаа гэж Улсын онцгой комиссын Шуурхай штабаас мэдээллээ.