УИХ-ын Эдийн засгийн байнгын хорооноос өнөөдөр /2022.03.29/ Хөгжлийн банкны асуудлаар ерөнхий хяналтын сонсголыг зохион байгуулж байна. Ерөнхий хяналтын сонсголыг УИХ-ын гишүүн Ж.Бат-Эрдэнэ даргалж явуулж байна. Тэгвэл сонсголын эхэнд УИХ-аас байгуулсан Хөгжлийн банкийг шалгах Ажлын хэсгээс хяналт, шалгалтынхаа дүнг танилцуулав.

Энэ үеэр Ажлын хэсгээс нэр бүхий УИХ-ын гишүүд, улстөрчдийг АТГ-т өгч шалгуулахаар болсон талаараа мэдэгдлээ.

Тэрбээр “Улстөрчдийн нөлөө, хамаарлын тухай хэдэн зүйл хэлье. Ажлын хэсэг хүнийг гэм буруутайг нь тогтоохгүй. Гэхдээ эдгээр улстөрд нөлөө бүхий хүмүүсийг АТГ-т өгч гэм буруутай эсэхээ шалгуулах хэрэгтэй гэж үзсэн. Тиймээс АТГ-т өгч байна” гэв.

Үүнд,

1. Х.Баттулга /Монгол Улсын Ерөнхийлөгч асан/
2. Н.Алтанхуяг /Ерөнхий сайд асан, УИХ-ын гишүүн/
3. С.Бямбацогт /УИХ-ын гишүүн/
4. Г.Дамдинням /УИХ-ын гишүүн/
5. Х.Ганхуяг /УИХ-ын гишүүн/
6. Г.Амартүвшин /УИХ-ын гишүүн/
7. М.Билэгт /УИХ-ын гишүүн асан/
8. Ч.Ундармаа /УИХ-ын гишүүн асан/
9. А.Сүхбат /УИХ-ын гишүүн асан/
10. Ц.Шаравдорж /УИХ-ын гишүүн асан/
11. Ц.Гарамжав /УИХ-ын гишүүн асан/
12. Д.Хүрэлбаатар /Үндэсний аудитын газрын дарга асан/
13. Лхамсүрэн /дэд сайд асан/
14. Н.Номтойбаяр /УИХ-ын гишүүн асан/
15. С.Пүрэв /Сангийн дэд сайд асан/
16. Л.Элдэв-Очир /УИХ-ын гишүүн асан/
17. Б.Хурц /ТЕГ-ын дарга асан/
18. Н.Батбаяр /Эдийн засгийн хөгжлийн сайд асан/
19. Ч.Сайханбилэг /Ерөнхий сайд асан/
20. Л.Энх-Амгалан /Боловсрол шинжлэх ухааны сайд, УИХ-ын гишүүн/ нарыг “Хөгжлийн банк”-нд хяналт шалгалт хийх Ажлын хэсгээс АТГ-т өгч шалгуулахаар болжээ.