Хөгжлийн банкны Гүйцэтгэх захирал Н.Мандуул өөрийн хүсэлтээр ажлаас чөлөөлөгдөх хүсэлтээ өгчээ.

Тэрбээр энэ талаараа өөрийн цахим хуудаснаа “Миний хувьд ажлаас чөлөөлөгдөх өргөдлөө хувийн шалтгаанаар энэ оны 1-р сарын 13, мөн дахиж 4-р сарын 4-нд өгсөн байсан. Намайг анх Ковидын хуулиар түр томилсон. Банкны Гүйцэтгэх захирлын албан тушаалд сонгон шалгаруулалт зарлах учиртай. Одоогоор улс төрд орох бодол байхгүй ээ” гэсэн байна.

Н.Мандуул нь 2021 оны наймдугаар сард Хөгжлийн банкны Гүйцэтгэх захирлаар томилогдсон байдаг.

Боловсролын байдал:

• 1990-2000        Ерөнхий боловсролын 1 дүгээр сургуульд бүрэн дунд боловсрол
• 2003-2007        Болгар дахь Америкийн их сургуулийг Бизнесийн удирдлагын бакалавр /Соросын сангийн тэтгэлэг/
• 2012-2014        АНУ-ын Брэндайзын их сургуулийг Бизнесийн удирдлагын магистр /АНУ-ийн Засгийн газрын Фүлбрайтын тэтгэлэг/

Ажилласан байдал:

• 2007-2008        Дэлхийн банкны Засаглалыг дэмжих төслийн дотоодын зөвлөх
• 2008-2012        Сангийн яамны Төсвийн бодлогын газарт мэргэжилтэн, хэлтсийн дарга
• 2013-2014        IHS, Consulting group, АНУ, Санхүүгийн шинжээч
• 2014-2018        Сангийн яамны Санхүүгийн бодлогын газарт хэлтсийн дарга
• 2019-2020        “Эрдэнэс Тавантолгой Майнинг” ХХК-ийн Тэргүүн дэд захирал,
• 2020-2021        “Эрдэнэс Монгол” ХХК-ийн Дэд бүтэц хариуцсан захирал,
• 2021- оноос     Сангийн яамны Санхүүгийн бодлогын газрын дарга
• 2021 оны 8 сараас Хөгжлийн банкны Гүйцэтгэх захирлаар ажиллаж байсан.