Сөрөг эрчмийг татахгүй гэвэл дараах 7 зүйлсийг бүү хий
2018 оны 5 сарын 12

Эрчим бидний эргэн тойронд бий. Эрчим үнэр, дуу чимээ, өнгө, амьтан, эд юмс болон хүнээр дамжин хэлбэлздэг. Хэдийгээр өөр өөрөөр нэрлэдэг ч, бид бие биетэйгээ болон эргэн тойрон дахь бүх зүйлүүдтэй эрчмийн олон янзын хэлбэрүүдээр дамжин холбогддог юм.

Хүний ааш зан ихэнхдээ бидэнд нөлөөлж байдаг эрчмүүдээс хамаардаг. Хэрэв бид хайхрамжгүй бол бидний сайн сайханд хор болох эрчмүүдийг ч татаж чаддаг.

Заримдаа бид өөрсдийгөө бусад хүмүүс сэтгэлийн ачаагаа гаргаж хаядаг сөрөгийг шингээгч зөөлөн памбалзуур мэт болгодог.

Хэн нэгэн тээнэгэлзсэн, төөрөлдсөн байгаа бол тэдний төлөө тэнд байх нь тийм ч мэргэн санаа биш. Гэхдээ энэ нь, хэн нэгний хэрэгтэй үед хамт байгаа тохиолдолд доошоо суу гэсэн үг биш. Тэр бол хоёр хүний аль алинд харилцан ашигтай байж болно.

Хэн нэгнийг бидний өөрсдийн эерэг түвшинд хүртэл өсөхөд нь туслаж чадна гэдэг бол хийхэд хамгийн ухаалаг зүйл бөгөөд эргээд бүгдэд нь ач тустай юм.

Мэдээж та хэн нэгнийг дээш татаж гаргахын тулд гараа сунгах хэрэгтэй.

Гэсэн хэдий ч бид өөрсдийн хамгаалалтаа бууруулахаар дэндүү хол явахгүй байхаа мэдэхийн тулд танд маш өндөр сонор сэрэмж хэрэгтэй.

Тэгэхлээр та хэт их сөрөг эрчмийг биедээ татахгүй байхаас урдьчилан сэргийлэхийн тулд, хийхээ дариухан зогсоох хэрэгтэй 7 зүйлийн жагсаалт байна.

  1. Бусадтай таагүй сөрөг сэтгэл хөдлөлөөр холбогдох

Энэ бол гэр бүл болоод найз нөхдийн дунд байдаг нийтлэг үзэгдэл юм. Таны найз юмуу гэр бүлийн хэн нэгэн сэтгэлээр унасан бол, тэднийг тайтгаруулахын тулд тэдний талд та зогсох хэрэгтэй болдог. Та тэднийг уйлахад нь мөрөө түшүүлдэг. Тэдний уйтгар гунигаа биеэсээ гаргах хэрэгцээнд нийцэхийн тулд тулд, та тэдэнд туслахаар өөрийн түвшингээ доошлуулах нь таны хэлбэлзлийг бууруулдаг. Эцэст нь, та нөгөө хүнийхээ адил зовлонтой болсон байхыг олж мэддэг.  Тэгэхлээр нөгөө хүний эрчимтэй таарах гэж хэлбэлзлээ багасгаж байхын оронд, тэднийг бага хэлбэлзлээс өөрсдөө гарч чадахаар илүү дээшилсэн хэлбэлзлийг санал болгож яагаад болохгүй гэж. Энэ маягаар хүн бүр бусдад туслах боломжтой.

Бусад хүний сэтгэл санаа хэр байгааг тоохгүй буюу хүндлэхгүй байж болохгүй. Тиймээс, тэдэнд хягааргүй хайрын хүрээнд өөрөөр харах өнцөг, үзэл бодлыг санал болгоорой.

  1. Таны биш хариуцлагыг өөртөө үүрэх.

Хүн танаас тусламж хүсээд ирж болно. Гэхдээ, та тэдэнд туслахын төлөө тэдний амьдралыг улам бэрхшээлтэй болгох ачаа тээш бүрийг нь өөртөө бүү үүр. Та өөрөө үүрч яваа ачаа тээштэй гэдгээ бүү март. Үнэндээ таных илүү хариуцлагатай нь юм.

Өөрийн тань гар аль хэдийн дүүрэн байхад бусдад туслахыг хичээх нь таныг баатар болгохгүй. Харин ч ухаангүй тэнэг хэрэг юм. Бусад өөрсдийн ачааг тээж сурах хэрэгтэй, энэ нь тэднийг эцэстээ хүчтэй болгодог. Харин оронд нь тэднийг урам зоригоор болон багахан хэмжээгээр байнга түлхэж өгөхийг санал болгох нь тэдэнд туслах хамгийн хэрэгтэй арга зам юм. Тэднийг өөрийн ачаа тээшээ өөрсдөө зохицуулж сурах болон ирж байгаа сорилтуудыг давж гарах, хичээлүүдэд суралцахад нь боломж өгвөл энэ жинхэнэ ач тус юм.

  1. Энэрэн нигүүлсэхийн оронд өрөвдөх

Энэрэл нигүүсэл бол хүчтэй, харин өрөвч байдал тийм ч хүчирхэг бус. Учир нь, та нөгөө хүнийг өрөвдөхөд та тэр хүний байгаа ямар ч нөхцөл байдалд орж, түүний төлөө шаналдаг. Өрөвдүүлэх нь ямар ч хүнд огт тустай биш. Тэд хайрлагдаж байгаагаа мэдрэхээс биш дотроо бол хэцүү зовлонтой хэвээр байдаг, учир нь энэ нь тэднийг зөвхөн өрөвдөлтэй харагдуулахаас цаашгүй. Харин бусдад хүнлэг энэрэнгүйг харуулах нь тэднийг ойлгосон мэт мэдрүүлдэг. Хүнлэг байснаар та нөгөө хүний дотрыг харж чадах ба бид бүгд ижил гэдгийг тэдэнд ойлгуулж, тэднийг өөрсөддөө олж харах боломж олгодог юм.

Тэд таны харуулсан хайрыг гүн мэдэрч , таны өгсөн сэтгэлийн тэнхээ, тэдний дотоод сэтгэлийн хүчийг нэмж чадах урам зоригыг өгдөг.

Тэд өөрсдийн шинээр олсон сэтгэлийн тэнхээгээрээр тэдний өмнө гарч ирэх ямар ч нөхцөл байдлыг зохицуулах чадвартай гэдгээ олж мэддэг.

  1. Өөрийгөө илүү мэддэг гэж таамаглах

Бид өөрсдийгөө хүмүүсийн төвөгтэй амьдралд зөвлөгөө өгөхдөө гаргуун гэж үздэг. Заримдаа бусдыг сонсгох гэж дэндүү хичээснээр тэдэнд туслана гэж найддаг. Гэтэл тэдэнд бол энэ нь тусалдаггүй.

Хэдийгээр амаараа зөвлөгөө болон мэдлэгээсээ өгч байгаа ч, энэ нь тэдний амьдралын аргаа барсан байдлын талаар бүх зүйлийг шийдэж чадахгүй. Энгийн баримт гэвэл та тэдний хувийн амьдралын талаар бүх зүйлийг мэдэхгүй шүү дээ.

Хэдийгээр таны туулсан туршлагатай төстэй байж болох ч, таны мэдэхгүй бас хараагүй зүйл тэнд байгаа шүүдээ. Түүнээс гадна нөгөө хүн юмсыг танаас өөрөөр хардаг гэдгийг сана. Таны зөвлөгөө тэдэнд гэрэл гэгээ өгч болно, гэхдээ түүнийг нэг бүрчлэн дагана гэж бүү найд.

Тэднийг өөрсдийнхөө замаар явахыг нь зөвшөөр, учир нь тэр зам зөвхөн тэдэнд зориулагдсан. Хүнд үнэхээр тусалдаг хүн бол тэднийг замаараа хаашаа, хэрхэн явахыг заадаггүй. Тэд зөвхөн зөвлөгөө өгч, үүд хаалгыг нээж өгдөг.

Бусдад тусалж чадахгүй байгаа гэх сөрөг мэдрэмжээс зайлсхийхийн тулд хичээхээ боль. Харин тэдэнд өөрсдийгөө дээрдүүлэхэд нь туслах зөвлөгөө болон харах өнцгийг санал болгоорой.

  1. Нэг тал болох

Энэ нөхцөл байдал гэр бүл, найз нөхдийн дунд зугатаах аргагүй мэт байдаг. Хоёр хүн маргахад хоёул чамайг талдаа оруулахаар ятгадаг.

Таны өөрийн зорилго хоёуланг нь асуудлаа шийдэхэд нь туслахын төлөө байдаг ч, таныг нэг талд илүү зогссон гэж буруутган, хоёр хүний зүгээс сөргөөр бөмбөгддөг.

Хэрэв тэд таны гэр бүл, найз нөхөд чинь бол та тэдэнд илүү санаа тавьж хайрладаг. Үр дүнд нь та хоёр талын сөрөг эрчмийг хоёуланг нь өөртөө татдаг.

Тэгэхээр эрчмээ алдахгүй гэвэл хаана зогсохоо хэлээд, хэний ч талд орохгүй бай. Тэдэнд энэ санаагаа тодорхой ойлгуул.

  1. Хүн бүрт таалагдахыг хичээх

Ихэнх эмпатууд буюу нинжин сэтгэлтнүүдийн хувьд бусдын таалалд нийцэх гэсэн хандлага цаанаасаа байдаг. Хүмүүст “үгүй”гэж хэлэх нь хийхээс ч хялбархан. Ухаалаг нинжин сэтгэлтэн байхын тулд заримдаа “үгүй” гэж хэлэхийг шаарддаг, ялангуяа танаас ямар их эрч хүч зарцуулна гэдгийг мэдэж байгаа тохиолдолд. Хэдийгээр, бусдын талархлыг хүлээх ч гэсэн өөрийн эрч хүчээ хялбархан өгнө гэдэг өөрт чинь тусгүй. Зарим тохиолдолд та өөрийгөө бусдаас түрүүнд тавих хэрэгтэй болох үе бий. Тэгж байж илүү олон хүнд туслаж чадна шүүдээ. Хэрэв танд хангалттай эрч хүч байхгүй бол хэрхэн та сайн үйлээ үргэлжлүүлэх билээ дээ? Тэгэхлээр таны эрч хүчний тухайд бол чангахан хил заагтай байх нь дээр.

  1. Хүний хэлсэн бүрийг сонсох

Аливаа нэг хүн таны талаар хэдэн зуун саналтай байж болно. Эерэг ч байна уу, сөрөг ч байна уу энэ бол таны хэрэг ердөө ч биш .  Хэрэв та үүнийг хэрэг болгож сонсох аваас, өөрийн амьдралд сөрөг эрчмийг урин залж байгаа хэрэг юм.  Зарим санал бодлууд таныг өвтгөж байхад, зарим нь танд таатай байдаг. Гэвч санал бодол ямар ч байлаа хүн бүрт үзэл бодол байх эрхтэй. Нэгэнт та бусдын юу хэлсэнд ач холбогдол өгөхгүй байх чадварыг эзэмшсэн бол, энэ нь таныг цааш явахад л хэрэгтэй. Юу чухал вэ гэвэл та өөрөө өөрийгөө л тодорхойлно. Мөн таны амьдрал, та өөрийгөө хэн, юу гэж бодохоос үндэслэлтэй болохоос бусад таныг хэрхэн харахаас хамааралтай биш юм.  Иймд, хүмүүс таныг чөлөөтэй шүүмжлэг, та ч өөрөө чөлөөтэй амьдар. Эцсийн эцэст энэ бол таны амьдрал. Тиймээс бусдад тайлбар тавилгүйгээр өөрөө хэн бэ гэдгээрээ л бай.

Орчуулсан Д.Энхжаргал

Хариулт үлдээх

Your email address will not be published.