Зорчигчдоос бэлэн мөнгө авсан жолоочийг 25000 төгрөгөөр торгож байна
2019 оны 1 сарын 28

 

Нийслэлийн нутаг дэвсгэрт нийтийн зорчигч тээврийн үйлчилгээний зорчигчдын хөлс төлөлтийн байдалд энэ сарын 24-нөөс эхлэн хяналт, шалгалт хийж байна. Одоогийн байдлаар зургаан чиглэлийн 79 тээврийн хэрэгсэл, 1067 зорчигч хамрагдсанаас бэлэн мөнгөөр зорчсон-4, зорчих хөлс төлөөгүй-22, хүүхдийн картаар зорчсон-4, ахмад настны картаар зорчсон-1, U money картын үлдэгдэл хүрэлцэхгүй-4, зэрэг нийт 35 зөрчил илэрсэн байна.

Нийслэлийн Тээврийн газрын Автотээврийн хяналтын улсын байцаагч нар цахим картаар зорчих хөлсөө төлөөгүй иргэнийг Зөрчлийн тухай хуулийн 14.6.1 заалтын дагуу 10000 төгрөгөөр, зорчигчдод зорчих хөлс төлөх шаардлага тавиагүй, зорчигчдоос бэлэн мөнгө авсан жолоочид Зөрчлийн тухай хуулийн 14.6.9 заалтын дагуу 25000 төгрөгөөр торгож, холбогдох хууль тогтоомжийн хүрээнд арга хэмжээ тооцон ажиллаж байна.

Хариулт үлдээх

Your email address will not be published.