Угсраа автобус дахин осол гаргажээ
2015 оны 8 сарын 20

 2015-08-20 – Нийслэл
b5f2baf20a2e17369efd1676eff77830original3

Нийтийн тээврийн парк шинэчлэлийн хүрээнд энэ сарын 15-наас нийтийн тээврийн үйлчилгээнд явах болсон Беларусь улсад үйлдвэрлэгдсэн 120 хүний багтаамжтай “МАЗ” угсраа автобустай холбоотой ээлжит таагүй мэдээлэл цацагдлаа.

Тодруулбал, өнөөдөр угсраа автобус 10-р хорооллын орчимд суудлын тэрэгний араас мөргөжээ. Үйлчилгээнд гараад ердөө тав хонож буй угсраа автобус хоёр хоногийн өмнө замын байгууламж мөргөж голын залгаас нь дээш сөхөгдөн хоёр хүн хөнгөн бэртсэн хэрэг гарсан. Ойр ойрхон хэл ам дагуулах болсон нь ийм автобус жолоодож байгаагүй жолооч нарын туршлага, манай замын нөхцөл болон хөдөлгөөнд оролцож буй бусад жолооч нарын тэвчээргүй байдалтай холбон тайлбарлаж болох юм.

Э.ЭНЭРЭЛ