Дорнодын АН-ын төлөөлөгчид Д.Цэрэнчимэгийг Дэд сайдаар томилохыг эсэргүүцлээ
2015 оны 8 сарын 31

Өнгөрсөн долоо хоногийн сүүлээр АН-аас сайдууд нь чөлөөлөгдсөн яамдын Дэд сайдад нэр дэшигчдийг зарласан. Тэдний нэг нь  Хүнс, хөдөө Аж Ахуйн Дэд сайдад санал болгосон Дорнод аймгийн АН-ын дарга Д.Цэрэнчимэг юм. Тэгвэл Д.Цэрэнчимэгийг Дэд сайдаар томилохыг Дорнод аймгийн намын нөхөд нь эсэргүүцэж буйгаа зарлалаа.

Дорнод аймгийн ИТХ дахь АН-ын бүлгийн гишүүд, Сумдын ИТХ-ын төлөөлөгч нар, Аймгийн АН-ын хорооны гишүүд санал нийлүүлэн Д.Цэрэнчимэгийг намын нэрийн өмнөөс Дэд сайдын суудалд суух эрхгүй хүн хэмээх бичгийг гаргажээ.

Тэд сонордуулга бичгээ УИХ-ын дарга З.Энхболд, Ерөнхий сайд Ч.Сайханбилэг болон АН-ын Ерөнхий нарийн бичгийн дарга Л.Эрхэмбаяр нарт хүргүүлсэн байна.

Дорнод аймгийн АН-ын төлөөлөгч нарын албан бичигт тэмдэглэснээр Д.Цэрэнчимэг нь аймгийнхаа АН-ын даргаар сонгогдсоноос хойш намаа хагалан бутаргасан, 60-аад хүнийг хууль бусаар халсан, намынхаа гишүүдийг гүтгэн доромжилж, хагарал үүсгэсэн үл бүтэх нөхөр гэжээ.

Х.ИНДРА

Хариулт үлдээх

Your email address will not be published.

This site uses Akismet to reduce spam. Learn how your comment data is processed.