ӨМНӨГОВЬ: Шөнийн клуб, караокег хааж, урлаг, спортын арга хэмжээг хориглов
2020 оны 1 сарын 28

Өмнөговь аймгийн Онцгой комисс өнөөдөр /2020.01.27/ хуралдаж, Улсын онцгой комиссын шийдвэрээр гуравдугаар сарын 2-ны өдрийг хүртэл сургууль, цэцэрлэгүүд болон олон нийтийн арга хэмжээнүүдийг улсын хэмжээнд хориглосонтой холбогдуулан аймгийн Засаг даргын албан даалгавар гаргалаа.

Өмнөговь аймгийн нутаг дэвсгэрт хэрэгжүүлэх дараах үүрэг, чиглэлийг өгөв.

  • Урлаг соёл, спортын арга хэмжээнүүдийг цуцлах, хориглох
  • Хурал зөвлөгөөн, найр наадам, уралдаан тэмцээнүүдийг хийхгүй байх
  • Дугуйлан, секц, PC тоглоомын газрууд, мөсөн гулгуур, фитнес, спорт заалны үйл ажиллагааг зогсоох
  • Шөнийн клуб, бүжиг, караоке зэрэг олон хүн цуглуулсан арга хэмжээнүүдийг хориглох
  • ААН, албан байгууллагууд, худалдаа үйлчилгээний газруудад ариутгал, халдваргүйжүүлэлт хийх
  • Эмийн сангууд эм, эмнэлгийн хэрэгслийн нөөцийг бүрдүүлэх, үнийг үндэслэлгүйгээр нэмэхгүй байх
  • Зөвхөн аймгийн Эрүүл мэндийн газраас өвчний талаар үнэн бодит мэдээллээр иргэдийг хангах
  • Хилийн боомтуудын үйл ажиллагааг хаах саналыг Улсын онцгой комисст хүргүүлэх, хил орчмын хяналт шалгалтыг сайжруулах
  • Эрүүл мэндийн газар болон Мэргэжлийн хяналтын газарт нэн шаардлагатай эм, эмнэлгийн хэрэгслийн нөөц бүрдүүлэхэд зориулж аймгийн ЗД-ын нөөц хөрөнгөөс зардал шийдвэрлэх
  • Төрийн байгууллагууд хуваарь хийж Албан даалгаврын хэрэгжилтэд хяналт тавих зорилгоор эргүүл хийх.

Хариулт үлдээх

Your email address will not be published.

This site uses Akismet to reduce spam. Learn how your comment data is processed.